يا ترى البرشومى مع ولا ضد

طبعا كل مصرى عاش اليومين اللى فاتو بشكل جديد خالص
من بين خوف على املاكهم وعلى اهاليهم من البلطجيه والحرميه
ومبين مناداه بحقوقهم الضايعه واللى سكتنا عليها كتير بس لكل شئ اوان زى ما بنقول
ولما الميه توصل لعنق الزجاجه بتثور
ف مره من المرات كنت سمعت لقاء للناس المسؤله ان قال ان الشباب دول مش حمل اى مسؤليه وانهم بتوع شبسى وشباب فيس بوك وكده
كان زمان حماده صاحبى قال ان الفيس بوك سلاح زو حدين يا تستخدمه صح يا يضيعك
انا نفسى مكنتش شايف فيه غير انه بيضيع والناس غاويه بنات وخلاص
ومكنتش اتوقع ان يحصل كده برده
بصراحه كانت مفجأه
وقدر شباب مصر ان يقول رايه بكل صراحه
على الرغم من ان اندست ناس كتير وسطهم وهاست مع الهيسه زى ما بيتقال
وبوظت مصالح ناس كتير وافسدت حاجات كتير
دا غير الشرطه واللى بيعملوه ف الناس العاديه لما حد بيدخلهم القسم والمعامله الزباله وثوره الناس عليهم
وكلام كتيييييييييير عشناه الايام اللى فاتت
وبلدنا برشوم واللى بردو اتاثرت بالمظاهره وكل ده نظرا لهروب البطلجيه من السجون وانتشار الحرميه
واحداث كتير ربنا يعديها على خير

السؤال بقى
يا ترى كل برشومى رايه ايه ف اللى بيحصل
يا ترى مع ولا ضد
يا ترى كان هيخرج ويقول لا لمبارك ولا ليه برده ؟؟؟
يا ترى كان هيضرب ف الشرطه ولا هيكون ايه رد فعله ؟؟
يا ترى لما برشوم كده بعد ما اتاثرت بكل اللى بيحصل هيكون رده ايه على كل ده ؟؟؟
يا ترى ايه رايه ف اغلاق قناه الجزيره واللى بتعمله وما يطلقو عليها من شعار الخونه ؟؟؟
يا ترى ايه رايك ف الاعلام المصرى بمعنى انه بيظهر كل الحقيقه ولا نظام تهدئه مش اكتر ؟؟؟؟
يا ترى ايه رايك ف كل الفنانين والكلام اللى قالوه اول مره يوم 25 ورجعو تانى ينكروه لانهم عرفو ان الدنيا خلاص هتغرق كما يزعم البعض ؟؟
يا ترى ايه رايك برضو ف البرادعى اللى جاى من بره وجاى عايز يحكم مصر يا ترى مصر رخيصه اوى كده لما واحد لو نزل شوارعها يتوه يجى يحكمنا ؟؟؟
يا ترى وياترى وياترى
وتساؤلات كتير
مستنى راى كل برشومى
تحياتى
زكريا على

والله كده الموضوع بقى رخم اوى وشكلها هتكبر ومش هنعرف نسيطر عليها
لما تبقى حرب اهليه وناس كتير تروح فيها ويبقى المصرى بيضرب اخوه
ربنا يسترها
لان بكده ناس كتير بتفرح فينا وناس كتير بكده بتحقق كل اللى هى نفسها فيه
وتقوم الشعب على بعضه
استرها يارب

حسبى الله ونعم الوكيل