فزورة الصندوق والقفل !

سلامو عليكو
فزورة كانت قابلتني ع النت وماعرفتش حلها إلا لما شفته
فقلت اجيبهالكو ..... بيقولك يا عم :
معاك صندوق بيتقفل الحلقة بتاعته بقفل أو أكتر
انت مسافر وساعات بتبقى عاوز تبعت فيه أمانة لواحد صاحبك مع واحد رايح البلد
بس ما ينفعش تبعته مفتوح عشان ما يتسرقش
وكمان ما ينفعش تبعت حاجة بره الصندوق
يبقى ايه الطريقة ؟؟

معطيات تانية :

مافيناش من تكسير اقفال
يعني ماتقليش يبعته مقفول وصاحبه يكسر القفل (ماشي يا عمرو)
ممكن تبعت الصندوق وصاحبك يبعتهولك تاني بأي عدد من المرات
ممكن الصندوق يتقفل بأي عدد من الأقفال
كل قفل مالهوش غير مفتاح واحد فقط مع اللي معاه القفل
يعني الاقفال اللي معاك مفاتيحها معاك انت بس ومفيش منها نسخ تانية مع حد تاني

واللغز منطقي جدا وما فيهوش تلاعب بالألفاظ
يللا وروني هتفكرو ازاي !!

على بال مافكر فيها خد دى

أراد أحد الملوك التخلص من وزير عنده فانتهز فرصة إقامة
حفله وفي أثنائها قال الملك للوزير: هناك ورقتان مكتوب في أحدها (معزول)
وفي الأخرى (لك كيس ذهب) وعليك أن تختار نصيبك من بينها,
وكان الملك قد كتب في كلا الورقتين (معزول) ولكن الوزير فهم الأمر
واستطاع بذكائه أن يتهرب من هذه المؤامره, فماذا فعل؟؟؟

الوزير يشاور على ورقة منهم ويقول هي دي نصيبه وما يفتحهاش
ويقولهم انه هيكشف الورقة التانية اللي هي مش نصيبه
هيكشفها يلاقي " معزول " يبقى نصيبه بتاعت كيس دهب
حلال عليه بس يبقى يفتكرني بالحلاوة .

صح وللا ؟

بليز حل الفزوره الاولى؟

» فزورة التفاح .........(غير منقول) !