يبقى انت اكيد فى برشوم (من المسئول )

السلام عليكم ورحمة الله وبركاته
ازيكم يا اصحابى
اخباركم ايه
انا جبت مجموعه صور بس عاوز حد يقلى مين السبب؟ وايه الحل
انا كنت عاوز اتكلم واكتب بس هسيبكم مع الصور هى الى هتتكلم ودى حاجه بسيطة جداااا انا عارف انى فى صور افظ من كده
عاوزين احنا ياشباب نشوف المشكله ونحلها لاننا احنا الى الحل معانا احنا الى باديدنا بلدنا هتطور
عاوزين ننظف الشوارع ونزرع المسحات الفاضية الى ع الطريق ونخلى بلدنا من اجمل البلاد
عاوزين نطبق مقولة ان الله جميل يحب الجمال
اترككم مع الصور بس عاوز نتكلم ونشوف الحل المناسب ونعمله احنا مش هنجيب حد يعمل احنا الى هنعمل بجد نطور بلدنا والكلام ده مش بس كلام عاوزينه فعل
ومش عاوزين منتدانا يبقى كلام فى كلام عاوزينه فعل فى فعل
اسيبكم مع الصور
,وياريت نكبر الصور ونشوفها

والله عندك الف حق

كل واحد فى المنتدى يقدم حل لهذه المشكلة

ونشوف افيد واصلح حل ونشترك فى كلنا

منظر مش حضاري خالص !

هو الحل الصح لو يبقى فيه مشروع نضافة بس منظم زي
اللي بنشوفه ف المدن كده يعني صناديق تتوزع ف أماكن مختلفة
والعربية تلف تفضيهم ..... بس ده لسه بدري على ما يحصل ف البلد .

ف لغاية ما يحصل كده يبقى كل واحد مسئول عن نفسه
ومايرميش حاجة ف الشارع .

هو الحل صندوق امام كل شارع والعربة الى بتلف تاخذ من الصناديق

وكل واحد وضميره بقى

هو المهم الى يبدا ......وممكن نعمل اجتماع لكل شباب برشوم الكبيرة والصغيرة ويكون واحد مننا الى يتبرع يكون مسئول عن تنظيم الاجتماع ده وان شاء الله نوصل لحل او مجموعة
تمسكه ......
واه رايكوا لو الاكياس تبقى بدل الصناديق اه نبدا بيها وعلى فكرة لسه مشروع العربيات موجود
بس الناس الى فيه هى الى ما بتلفش
يعنى بيقبضه وخلاص

مشروع زي ده محتاج رعاية من جهة ما
ماينفعش نقدر نعمله لوحدنا
هو المفروض يبقى تبع مؤسسة عامر مثلا أو أي عضو مجلس شعب
عشان هيبقى فيه تكلفة كبيرة وناس بتشتغل وتقبض وليها مواعيد ... يعني موضوع كبير .

بالنسبة لأماكن الصناديق دي بيتهيألي في أماكن كتير ف البلد بقت معروفه انها مقالب للزبالة
يعني كل الناس بتروح ترمي فيها فلو الصناديق اتحطت ف نفس الأماكن دي
هيبقى أنضف للمكان والناس مش هتعترض عليه
أهو يرمو ف صندوق بدل ما يرمولهم ف الشارع قدامهم
وبقية الصناديق تتوزع ع الترعة بعيد عن البيوت خالص

بس ازاي حاجة زي كده تحصل بس ؟؟؟؟؟؟؟؟؟؟؟؟

خلااااص نكلم الجماعة الى فى منصور عامر يرعوا هذا المشروع
بس ده بعد ما نجتمع كلنا علشان ده يبقى طلب الشباب بتوع برشوم
ونرشح ناس مننا تكلم عننا

يا ريت ده يحصل وتوصله كمان الطلبات اللي ف موضوع الأستاذ أشرف .