شروط وشرح القسم الابداعى !

اولا تحية طيبة الى جميع اعضاء منتدى شباب برشوم

ثانيا اشرحلكوا الاول القسم ده هيبقى ماشى ازاى علشان نبقى كلنا فاهمين
ان شاء الله القسم ده عملته علشان يكون خاص بابداعات اعضائنا
يعنى ايه ابداعات اعضائنا وهى ايه الابداعات ياعم عمرو
هقولك ياسيدى
مثلا : صورة انت عملتها وابدعت فيها ان شاالله حتى ببرنامج الرسام
مثلا فيه حاجة اسمها صورة وتعليق بس انت طبعا اللى تكون عاملها
مثلا : فيديو انت مصوره
مثلا : فيلم قصير انت انتجته
مثلا : اغانى انت مألفها
مثلا : شعر انت مألفه
مثلا : برنامج انت عامله ( مع انى مش عارف فيه مبرمجين هنا ولا لا )
مثلا : سكور عالى حققته فى لعبة معينة وعاوز توريهولنا
بس كده وفيه امثلة تانية كتير
يعنى باختصار ياجماعة
اى حاجة انت عملتها بايدك تقدر تحطها هنا
اى استفسار انا موجود

ثالثا بقى شروط القسم والقوانين /
1 ان يكون الابداع بيدك انت
2 ان يحتوى ابداعك على دليل يعبر انك الذى قمت بالابداع ( يعنى مثلا يكون اسمك فيه او فيديو وانت بتعمله
او ماشابه ذلك
3 ان تضع الابداع فى المكان المناسب وبالعنوان المناسب
4 ان تشرح ابداعك داخل موضوعك

رابعا : دى شوية برامج ممكن تحتاجوها فى اللى هتعملوه

1 برنامج fast ston capture
وهو برنامج لتصوير اى حاجة فى الجهاز ولكن صور فقط وليس فيديو

2 برامج اخرى لعمل الصور او عمل اى فبركة يها

برنامج photo copmser
برنامج photo shop
برنامج fun house
برنامج magic photo

3 برامج لعمل الافلام او التعديل فيها او المونتاج
برنامج movie maker
برنامج ulead video studio
برنامج corel video studio

بخصوص رفع الملفات او الصور
فهناك اختيارين اما ان ترفق ماتريده فى الموضوع وهذا يتضح فى الصورة

.....




والاختيار الاخر ان تفتح احد مواقع الرفع وترفع من خلاله ما تريده
وطبعا اليوتيوب لرفع الفيديو غنى عن التعريف
ولو عاوزين شرح لكيفية الرفع ابقوا قولولى


اخيرا
كل اسبوع هنختار احلى مبدع وده هيبقى فى لوحة الشرف اللى هنرجعها تانى
وهناك ايضا اوسمة للمتميزين
واللى هيشتركوا كتير
اى استفسار انا موجود
ويارب الاقى قبول لهذه الفكرة
ومنتظر احلى مبدعين

لا ان شاء الله عندى كتير اوى

بس ماينفعش ابقى انا بس اللى احط

عايزين اى ابداع لاى عضو

يالا ياسيدى ورينى اى حاجة

انا مستنى اهو

أنا حاسة إنى مش هاعرف أعمل أى حاجة فى أى حاجة
بس هى بصراحة فكرة جميلة أوى
ولو عرفت أعمل حاجة أكيد هتلاقونى

فكرى تانى ياسكاى ايه الابداع اللى تعرفى تعمليه واعمليه

ممكن تكونى بتعرفى ترسمى فى كراسة الرسم ممكن تصوريها وتحطيها عادى برضه

والله ياعمرو لو عرفت أعمل حاجة هاعملها من غير تردد
لأنها بجد فكرة جميلة أوى
وبطلع مواهبنا اللى ممكن تكون مش موجودة عندى أصلآ

لأ من دلوقتى بأة هاتريق
يلا لما أشوف إيه هى إبداعاتك

شكرا ياسموان وطبعا مفيش تريقة لان اللى هيتريق يبقى غيران

ويالا انا مش عاوز ابدأ الا لما حد يبدأ هو الاول

تصدق صح ياعمرو أنا قاعدة أقول أنا هاتريق ليه
بس أنا فهمت دلوقتى أكيد طبعآ علشان هابقى غيرانة من سموان

انا والله ماقصدكيش لانى واثق انك واعية

لكن انا بتكلم عامة على اللى هايتريق بجد من نفسه

أنا عارفة والله إنك ما تقصدنيش
أنا بهزر عادى يعنى
زى ما أنا عارفة إنك بتهزر برده
يلا إبدأ أنت بأة الأول علشان الأعضاء يبدأوا يتحركوا

ربنا يخليك يامحمد

ربنا يوفقك السنة دى وترفع راسنا