ألغاز حسابية !

سلامو عليكو

الموضوع عبارة عن ألغاز حسابية مطلوب انك تكمل
الرقم اللي عليه الدور مع طريقة الحل

مثال

1,3,5,7,9
.........

الحل : 11
الطريقة : إضافة 2 إلى الرقم
أو كتابة الأرقام الفردية


اللغز الأول :
1,3,7,15,31,63
.........

اللغز الثاني :
1,2,4,7,12
.......


اللغز الثالث :
1,1,2,6,24.
........

اللغز الرابع :
1,4,3,6,5,8
.........

مش فهماها

اللغز الأول :
1,3,7,15,31,63
الحل 127

الطريقة انك بتضيف الاول اتنين وبعد كده تضيف ضعفها وهكذا

اللغز الثاني :
1,2,4,7,12
الحل احتمال 20 مش عارف صح ولا غلط

اللغز الثالث :
1,1,2,6,24.
هفكر وابقى اقولك

اللغز الرابع :
1,4,3,6,5,8
الحل 7
الطريقة انك بتزود تلاتة وبعدها تنقص واحد

طب قول اجابة عمرو صح ولا لا وانا هقولك اللغز اللى فاضل

واضح ان السكوت علامة الرضا

ايه يا عم انت جاي تخطبني !

بصي يا سكاي تعرفي " أكمل بنفس التسلسل "
مثلا هاقول أ ب ت ث ج يبقى الحرف اللي جاي ايه ؟ أكيد ح علشان هو ده التسلسل الأبجدي
اللي انا ماشي بيه .

بنفس الطريقة تشوفي ايه التسلسل اللي أنا ماشي بيه ف الأعداد وتعرفي العدد اللي عليه الدور
مثلا : 0 3 6 9 يبقى اللي جاي ايه ؟

12 عشان انا بازود 3 كل مرة .....بس كده .





بالنسبة لعمرو بقى برافو عليك انت عملت اتنين صح

الأول صح .
والرابع كمان صح .

التاني لازم تقول الطريقة اللي جبت بيها الرقم عشان ممكن يبقى فيه مثلا أكتر من احتمال
يعني قول الطريقة .


يللا يا مصر ورينا الهمة فاضل اتنين اهو .

يا some one

الغز التانى 17
طريقة الحل بتزود 1 ثم 2 ثم 3 ثم 4ثم 5

الغز الثالث 120

طريقه الحل بتضرب فى 1.2.3.4.5 على الترتيب
وشكرا لك aobd

اللغز التالت صح يا عوبد زي مانت قلت برافو عليك
انما التاني

اللغز الثاني :
1,2,4,7,12

اقتباس :

طريقة الحل بتزود 1 ثم 2 ثم 3 ثم 4ثم 5

أنا زودت 1 و 2 و3 بس مازودتش 4 زي مانت بتقول
وإلا كان هيبقى السبعة بعدها 11 مش 12 .

يعني الإجابة مش صح بس انت قربت أوي .

بص يا some one
اللغز الثانى 20
طريقة الحل انتا بضيف 1على الاول
بضيف 2على التانى يبقى 4
مجموع الاضافه 3
نزودهم على 4 يبقى 7
مجموع الاضافه 5
نزودهم على السابعه يبقى 12
مجموع الا ضافه 8
نزودهم على 12 يبقى 20




الغز ده حيرنى والله وسالت فيه ناس كتير بس الحمد الله جبته

والله إجابة حلوة وعجبتني
بس لو مشينا زي مانت قلت :

1,2,4,7,12

أول رقم واحد وبعدين ضفنا عليه واحد فبقى اتنين
لو طبقنا مجموع الإضافة زي مانت قلت يبقى مجموع الإضافة واحد
يعني بعد 2 المفروض ازود 1 يعني اكتب 3
بس ف اللغز 4 يعني أنا زودت 2 مش 1 .

حيرتنى وفينك
اكيد الدراسة
قول الحل ياعم

ماشي يا عم
اللغز بيقول 1,2,4,7,12
يعني بدأنا برقم 1 وبعدين زودنا 1 ثم 2 ثم 3 ثم 5
نشوف العلاقة بين 1 و 2 و 3 و 5 هنلاقي انهم الأعداد الأولية
( التي لاتقبل القسمة إلا على نفسها وعلى ال 1 )

والرقم اللي عليه الدور فيهم هو 7 نزودها يبقى الإجابة 19 .

بس خلاص .

لا تخطر على بال بشر
ههههههههههههههههههههههههههههه
جميلة اوى