حكاية أسرة

كان يوجد شخص يدعى (س) فى الجيش
وأتعرف على شخص يدعى (ص) والشخص ده كان من
بلد تانية أتعرفوا على بعض وبئيت علاقتهم علاقة صداقة
قوية جدآ لدرجة إنى الشخص (س) كان بيسافر لزيارة الشخص (ص) فى بلده وفى بيته

فى مرة الشخص (س) كان موجود عند الشخص (ص) فى بلده
عجبتوا البلد جدآ وقرر أنه يتجوز من البلد دى وأبلغ صديقه بهذا القرار فالشخص (ص) رحب
بهذا جدآ وذهب إلى شخص
للبحث عن عروسة للشخص (س) فالشخص ده رأى عروسة مناسبة
للشخص (س) ذهب الشخص (س) لرؤية العروسة فى بيتهم وعجبتوا
العروسة وطلب إيديها
من أهلها ووفقوا وكتبوا الكتاب على طول بدون خطوبة لمدة سنتين وبعدها أتجوزوا وسافروا إلى بلده وللحكاية بقية .......................

أتعلمتها منك أشمعنا أنت لازم أوريك شوية من اللى بتوريه لينا

الجزء الثانى

أنجبت الزوجة طفلآ صغيرآ وكان هو كل حياة الأب والأم كانوا يحبونوا حب جنونى كان الأب يذهب إلى الجيش وعند أجازته ينزل بكل لهفة وشوق إلى قضاء أجمل أجازة مع إبنه الصغير وفى مرة من المرات وعند سفر الأب إلى الجيش كان يبكى الطفل بشدة ويصرخ يريد عدم ذهاب الأب إلى الجيش فى يوم من الأيام وكان الأب فى عمله فى الجيش حدث حادث مرعب لهذا الطفل أدى به إلى وفاته وكان فى سن السنتين والنصف من عمره وعند وفاة هذا الطفل قام أهل الأب بإستدعائه من عمله وقالوا له أن والده ووالدته قامت بينهم مشكلة كبيرة وأن والدته سوف تترك المنزل وترحل قام الأب بطلب أجازة ضرورية ونزل إلى بلده لمعرفة ما هو سبب المشكلة وحل هذه المشكلة ومنع والدته من عدم ترك المنزل وهنا كانت المفاجأة
لا كان يدرى ما سيقابله من عذاب وجرح وفراق

وللحكاية بقية

الجزء الثالث

نزل الأب إلى بلده لمعرفة سبب الخلاف الموجود بين والده ووالدته فقد قام والده بتمهيد الموضوع وقال له ياإبنى إذا أنا أعطيتك حاجة ثم أخذتها منك تانى هاتزعل قال له الأب لا وفضل والده يمهد له بنفس الأسلوب فأستغرب الأب لكلام والده وقال له إيه اللى حصل قال له والده الله يعوض عليك فى إبنك أنهار الأب إنهيار تام وقام الأب بخبط دماغه فى الحيط وهو مذهول وبيسأل نفسه إزاى مات وإزاى يموت وما يحضرش دفنة إبنه الوحيد قاموا أهله بهدوء الأب وقاموا له بشرح تفاصيل موت إبنه وعرف إنها كانت حادثة كبيرة

قام الأب بالسفر إلى المكان الموجود فيه قبر إبنه وهى بلد الزوجة وزار إبنه وفضل يبكى بشدة ونفسه يكسر الباب المغلق على إبنه ويضمه فى حضنه ويقولوا أوم أنا جيت وبعد زيارة الأب إبنه ذهب إلى زوجتة وسأل الأم ويقولها إزاى إبنى مات وإزاى يموت كده أنتى كنتى فين وفضل يلومها ويقولها إنتى السبب إنتى الى موتى إبنى أنا مش مسامحك

بس ربنا بيقطع من هنا ويوصل من هنا عند وفاة الأبن عند معرفة الأم بإنها حامل أنجبت الأم بنت عوضتهم عن موت إبنهم بس دايمآ إحساس الأب بإن الأم هى السبب فى وفاة الإبن مسيطر عليه وكان دائمآ فى مشاكل بين الأم والأب ثم أنجبت الأم الطفلة الثانية ثم الثالثة ولكن كانت المشاكل دايمآ بتزيد بين الأم والأب

الأب عصبى والأم عصبية الأب عندى والأم عندية كانوا دائمآ فى مشاكل وخناقات كبيرة جدآ
كان الأب يقوم بضرب وإهانة الأم وكانت الأم مش بتسكت كانت بترد عليه ما كنوش بيعملوا حساب لأولادهم
تابعوا الجزء القادم

الجزء الرابع

عاشوا الأولاد حياة من الزعر والخوف من بكرة إلى أن وصلت الحياة بين الأم والأب إلى طريق مسدود عايشين مع بعض لكن غرباء الأب فى إتجاه والأم فى إتجاه آخر والأولاد بينهم عايشين فى حالة توطر وقلق

إلى أن دخلت شخصية أخرى فى حياة الأب فى الوقت الذى كان الأب يحتاج فيه لأحد يراعيه أتجوز الأب هذه الشخصية وأنجبوا

أصبح الأولاد يفقدوا الثقة فى كل من بجانبهم أصبح عندهم خوف من الرجالة لإعتقدهم أن كل الرجالة يشبهوا بعض العيشة اللى عشوها هؤلاء الأولاد بين أم وأب غير متفقين على خلاف فى كل حاجة أصبحوا هؤلاء الأولاد يكرهوا كل حاجة من حواليهم

معاملة الأب مع هؤلاء الأولاد قبل زواجه من الشخصية الثانية كانت معاملة قاسية كانت كلها ضرب وإهانة حسوا هؤلاء الأولاد بأن الأب يكرهم ويأسى عليهم من غير سبب كانوا الأولاد يخافون خوفآ شديدآ من الأب

لكن عند زواج الأب من الزوجة الثانية وبالتدريج تغير الأب تغيير تام وكأنه إنسان آخر
تغيرت معاملته إلى أولاده لن يأثرالأب بشئ وأيضآ الأم لن تؤثر معهم بشئ

بس أحساس الأولاد بإنى فى حاجة مكسورة بداخلهم وأنهم مش عاشوا زى بقيت الناس وإنهم كان نفسهم يحسوا بالدفئ والأمان فى بيتهم وأنهم كان نفسهم يعيشوا حياة هادئة مستقرة أسرة سعيدة بتحب بعض وبتخاف على بعض
تابعوا الجزء القادم

إشطة

هو المنتدى قلب تركي كده ليه !!

حسبي الله ونعم الوكيل فيكي انتي وزيكو !

متابعييييييييييييييين .

ياستر ليه كده بس ياسمون طيب عقابآ ليك بأة أنا مش هخلص الحكاية دلوقتى غير لما أحس أنكم مشتاقين أوى ولحد ما زيكو كمان يخلص الحكاية اللى مش عاوز يخلصها دى بتاعت البنت الصعيدية

أه والله صايمة

كمل بس أخر حلقة فى البنت الصعيدية وأنا أوعدك إنى أكمل الحكاية دى

ده عنصر التشويق والإثارة يا زيكو
وعلشان المشاهدين ما يتشتتوش بين المسلسلين .......فخلص انت بتاعتك الأول
وبعدين نحبس بدي .

( نحبس )
حلو التعليق ده والله
مسلسلات منتدى برشوم
000000 اى منتدى تانى !!!!!

حس الأب بأولاده ولكن بعد فوات الأوان بعد أن تزوج من زوجة أخرى وأنجب منها أيضآ وبعد أحساس أولادهم باليتم بالرغم من أنهم كانوا عايشين فى وسطهم وبالرغم من إحساس الأب لهؤلاء الأولاد إلا أنهم غير قادرين على أحساسهم بالأمان والأستقرار الأسرى

ليه حس الأب بأولاده فى هذه المرحلة

الغلط هنا كان فى مين فى الأب أم الأم أم الأثنين معآ
ليه الأم والأب ما أتفقوش من البداية وإيه هو نقطة الخلاف
هل لأنه كان زواج تقليدى أم أنهم ما قدروش أنهم يرتبوا لحياتهم من البداية


أنا حبيت أحكى الحكاية دى لأنها شاملة حكايات كتير فى كل بيت مصرى
أكيد فى كتير مننا عاش تجربة زى كده أو حتى عاش ولو جزء منها
أنا حكيت الحكاية دى عشان نقدر نوصل لحل مع بعض
نشوف إيه هى الإيجابيات والسلبيات فى الحكاية دى
نأخد الإيجابيات ونفذها والسلبيات نتجنيها
وعشان أى حد هيبدأ حياة جديدة يبدأها صح وما يقعش فى نفس الغلط اللى وقع فى الأم والأب
واللى الأولاد فى دفعوا الثمن

ياريت الكل يشارك فى الموضوع ده ويقول رآيه عشان الكل يستفاد من التجربة دى

سبب كتير من المشاكل هو البعد عن ربنا والايمان الضعيف
من الاول وموت الابن وهو قضاء وقدر واختبار من ربنا ومفيش حد بايده حاجه ومين السبب وكده
انما المشاكل طول عمرها ف كل بيت بس اللى قريب من ربنا هو اللى هيقدر يحل كل ده
حلو الموضوع وكويس انه خلص بسرعه

أكيد قربنا من ربنا بيساعدنا كتير فى إننا نعمل الصح ونبعد عن الغلط
شكرآ على مرورك يازيكو
والحمد الله الحكاية خلصت بسرعة مش على أخر رمضان زى ما قولت قبل كده

اه الحمد لله
ياللى واحده كمان بقى

ازاي بالسرعة دي دانت كنت عامل حسابي انها هتخلص على بداية الدراسة
يللا خيرها ف غيرها .


السبب تمام زي ما زيكو قال كده ومش موضوع انه جواز تقليدي أو لا لان الحياة بتمشي والحب بييجي
بالعشرة انما المشكلة ف الجزع من قضاء ربنا وعدم الرضا بقدره .


أه صحيح يا زيكو ابقى خد لينك الموضوع ده كمان ابعته لمحمدين


عشان يتعلم ومايحصلش مشاكل مع سكاي ف المستقبل

أه صحيح يازيكو أبقى قول لمحمدين علشان ما يقعش فى الغلط ده
ومتشكرة ياسمون على نصيحتك لزيكو
ومتشكرة كمان على المرور

هو أصلآ اللى غلطان هى أى واحدة تقول لواحد أنا بحبك يجرى وراها فين العقل
هو حر هو اللى هايتحمل نتيجة غلطته لوحده أحنا مالنا

تصدق ممكن

مع ان محمدين مش وحش يعنى ومش شايف فيه اى عيب

أه ماأنا بقول كده برده بس أنا مش هانفعوا يازيكو

أه ماأنا بقول كده برده بس أنا مش هانفعوا يازيكو

لا ان شاء الله تعجبى محمدين متقلقيش
وبعدين حد يطول انه يلاقى عريس اليومين دول
اسكتى اسكتى

يادى النيلة هو أنا مش هخلص من محمدين ده والله أنا زهقت خلاص بأة

قصة جميلة يا سكاي.
بس زي ما قال الاخوة اللي علقو علي الموضوع ، الجزع من قضاء ربنا مش كويس ، الموت ده حاجة بتاع ربنا ، كمان اللي بموت ابن صغير ليه ، بيبقي سبب في دخوله الجنة بس لو صبر ، وليه ما يكنش اللي حصل ده بسبب جزع الاب ده من قضاء ربنا ، .
القصة مؤلمة اوي .
بس اكيد بالرغم اني القصة كانت مؤلمة اكيد الاولاد دول استفادو منها ، خاصة اني الاب اتغير بعد جواز التانية .
يعني مش معنا اني كل واحد وزوجته اختلفو ، توصل بيهم العلاقة لكدة ، لازم يبقي فيه تفاهم وحسن نية من الطرفين .

على فكره انتوا خرجتوا عن الموضوع مع ان الموضوع جميل قوى
مش كل ما هفتح صفحه على المنتدى الاقى سكاى ومحمدين وزيكو وجنى
ورأيى فى الموضوع ان كل واحد لازم يرضى بقضاء الله وقدره والغلط من الاول هو غلط الزوج لانه كان لازم يرضى بما قسمه الله له عشان يقدر يكمل حياته والحياه مابتنتهيش وما بتقفش على حد ولا ابن ولا اب ولا ام هى محطه وكل واحد لازم يعديها مايقفش فيها يعنى كل مرحله وليها ظرفها وتطوراتها
انا ما بقلش اننا مانزعلش بس ما نقفش فى محطات الزعل عشان الحياه تكمل