الزملكاوى الاصيل مشرف
المساهمات : 718 السن : 33 الجنس : ذكر العنوان : اساءلوا وانتوا تعرفوا الف مين يدلك الابراج : المزاج : جميل الموقع : بلدنا وسط جيرانا وحبايبنا تاريخ التسجيل : 25/10/2009 الهوايه : فى شركة الحرم المكى
| موضوع: رسالة مبارك لشعبه المصرى الأربعاء مايو 05, 2010 11:58 pm | |
| [centerقصيدة 'يا شعبي' ... شعر محمد حسني مبارك
ياشعبي حبيبي
ياروحي يابيبي
ياحاطك في جيبي
يابن الحلال
ياشعبي ياشاطر
ياجابر خواطر
ياساكن مقابر
وصابر وعال
ياواكل سمومك
يابايع هدومك
ياحامل همومك
وشايل جبال
ياشعبي اللي نايم
وسارح وهايم
وفي الفقر عايم
وحاله ده حال
احبك محشش
مفرفش مطنش
ودايخ مدروخ
واخر انسطال
احبك مكبر دماغك
مخدر ممشي امورك كده باتكال
واحب اللي ينصب
واحب اللي يكدب
واحب اللي ينهب
ويسرق تلال
واحب اللي شايف
وعارف وخايف
وبالع لسانه
وكاتم ماقال
واحب اللي قافل عيونه
المغفل
واحب البهايم
واحب البغال
واحب اللي راضي
واحب اللي فاضي
واحب اللي عايز يربي العيال
واحب اللي يائس
واحب اللي بائس
واحب اللي محبط وشايف محال
واحبك تسافر
وتبعد تهاجر
وتبعت فلوسك دولار او ريال
واحبك تطبل
تهلل تهبل
عشان مطش كوره
وفيلم ومقال
واحبك تأيد
تعضض
تمجد
توافق
تنافق
وتلحس نعال
تحضر نشادر
تجمع كوادر
تلمع تقمع
تظبط مجال
لكن لو تفكر
تخطط
تقرر
تشغل مخك
وتفتح جدال
وتبدأ تشاكل
وتعمل مشاكل
وتنكش مسائل
وتسأل سؤال
وعايز تنور
وعايز تطور
وتعملي روحك مفرد رجال
ساعتها حجيبك
لايمكن اسيبك
وراح تبقى عبره وتصبح مثال
حبهدل جنابك
وأذل اللي جابك
وحيكون عذابك ده فوق الاحتمال
وامرمط سعادتك
واهزأ سيادتك
واخلي كرامتك في حالة هزال
وتلبس قضية
وتصبح رزية
وباقي حياتك تعيش في انعزال
حتقبل ححبك
حترفض حلبك
حتطلع
حتنزل
حجيبلك جمااااال | |
|
TO.YOU عضو مميز
المساهمات : 618 السن : 31 الجنس : ذكر العنوان : ودى عاوزه سؤال الابراج : المزاج : حسب الظروف الموقع : على قهوه بلدى تلاقينا على عربيه فول بطحينه تاريخ التسجيل : 26/09/2009 الهوايه : طالب فى ثانوية عامية
| موضوع: رد: رسالة مبارك لشعبه المصرى الخميس مايو 06, 2010 11:01 am | |
| حلوه بس على فكره انا معرفكش من هنا وجاى اوكيه؟؟؟؟
انا بخاف على نفسى بردوا وعاوز اربى العيال | |
|
الزملكاوى الاصيل مشرف
المساهمات : 718 السن : 33 الجنس : ذكر العنوان : اساءلوا وانتوا تعرفوا الف مين يدلك الابراج : المزاج : جميل الموقع : بلدنا وسط جيرانا وحبايبنا تاريخ التسجيل : 25/10/2009 الهوايه : فى شركة الحرم المكى
| موضوع: رد: رسالة مبارك لشعبه المصرى الخميس مايو 06, 2010 1:25 pm | |
| هههههههههههههههه ماشى يامعلم | |
|
محمد البدوى برشومى بروفيشونال
المساهمات : 228 السن : 30 الجنس : ذكر العنوان : اسئل كله هيدلك الابراج : المزاج : زى الفل الموقع : شباب برشوم تاريخ التسجيل : 26/06/2010 الهوايه : كرة القدم
| موضوع: رد: رسالة مبارك لشعبه المصرى الجمعة أكتوبر 15, 2010 10:37 pm | |
| ياسلام يا محمود لما يكون مزاكك رايق | |
|