بيسمعوا كويس على فكرة

الاول: الأوتوبيس ده رايح مصر الجديدة ؟

الثانى: على الحديدة ؟؟ ليه إنت طالب إحسان ؟؟

الاول: بذرة الكتان ؟ تلاقيه عند العطار

الثانى: الجزار ؟ إنت عاوز لحمة ؟؟

الاول:زحمة ؟ معلش أصل ده معاد خروج الموظفين

الثانى:نور الدين ؟ معرفوش

الاول:متشربوش ؟؟ ليه كفا الله الشر

الثانى:راس البر دا مصيف هادى

الاول:المعادى ؟؟ دى ضاحية جميلة

الثانى:بليلة إنت جعان

الاول:عيان ؟؟ متروح للدكتور

الثانى:حنطور ؟ دى مواصلة جميلة توصلك لحاد الباب

الاول:هباب و أنا إلى كنت فاكرك محترم

الثانى:إتخرم ؟؟ هو مين ؟؟

الاول:أسبرين ؟؟ ليه إنت عندك صداع؟؟

الثانى:قراع ؟ دا مرض خطير .

الاول:فطير ؟؟ ده تقيل على المعدة و تمنه غالى

الثانى:خالى ؟؟ إنت تعرفه ؟؟ دا كبير فى السن

الاول:جن ؟إنت راكبك عفريت

الثانى:كبريت ؟ عاوزه تولع ؟؟

الاول:أتدلع ؟؟؟؟ليه مفيش حد غيرك أتدلع عليه

.... فمر بيهم راجل شرطة لقاهم بيتخانقوا

فصاح فيهم بأعلى صوته : واقفين هنا بتعملوا إيه

قالولوا : مستنيين الإوتوبيس

فقالهم : يانهاركم إسود .... جواسيس ؟؟

جايلك عريس الف مبروك يا مور
ههههههه
جامده اوى
ومشكور على المجهود

عبود عبود مين

امين لا معرفوش.

فنكوش اه ده فيلم لعادل امام

حمام هتلاقيه على يمينك.

فينك انا هنا اهو فى البيت

» فكرة جامدة منتظر رأيكم !؟!؟!؟!
» حجرة المناقشات ( فكرة جميلة )
» فكرة في دماغ فاضية .... وماذا لو وحدنا البراشيم ؟؟؟؟؟؟؟؟؟